Major Programmes of the Department

Double Benefits - Growing Horticultural crops for maximum returns and soil and water conservation
Double Benefits - Growing Horticultural crops for maximum returns and soil and water conservation

Ban ialeh pyrshah ia kane ka jingpynjot ia ka khyndew bad ki tyllong um, ka Soil & Water Conservation Department ka la shim shibun ki lad jingiada bad ki kam pynroi ha ki jaka rep bad jaka bym long rep kumjuh da kaba pyntrei ia kine ki skim harum:-

Jhum Control Programme: - Kane ka dei kawei na ki skim baheh jong ka Department kaba ka jingthmu jong ka ka long ban tem ia ka jingduh noh ka dewsboh na ki jaka ba rep shyrti bad rep bun. Ka jingialeh ba kongsan jong kane ka long ban pynbiang ia ki jingdonkam jong ki nongrep jhum ba kin lah ban shim noh da ki rukom rep kiba neh ha kawei ka jaka. Kane ka skim kaba la sdang naduh ki snem 1974-75 ka kynthup ia kine ki mat harum:-

  1. Breaking the slope by terracing to reduce surface runoff and prevent soil loss assuring good returns
    Breaking the slope by terracing to reduce surface runoff and prevent soil loss assuring good returns
    Ban pynbiang ia ki jaka rep kiba la pynbha bad kiba lah ban ioh ia ka um rep na ka bynta ki nongrep shyrti bad nongrep bun.
  2. Ban ai jingkyrshan ia ki nongrep da kaba pynbiang ia ki symbai bad jingthung, ki sboh bad sboh dawai bad ka jingai jingiarap ha kaba pynbiang ia ki lyngkha rep na ka bynta lai snem.
  3. Ban ai jingiarap ha kaba shim ia ki jingrep ia ki jingthung ba pynmih pisa (cash crop).
  4. Ban pynbiang ia ka umbam umdih sha ki nongkyndong.
  5. Ban shna ia ki lynti kiba pyniasoh (link roads) bad ki jaka pyntrei ia ki skim.
Afforestation - The turning point to help nature recoup
Afforestation - The turning point to help nature recoup

Watershed Management Programme : - Kane ka dei ka skim kaba kynthup ia kiba bun ki rukom pyntrei pynneh khyndew bad um ha ki jaka kpait um kiba rit. Ka jingthmu ba kongsan jong kane ka skim ka long ban wanrah ia ka jingpyndonkam ba khlem sangeh ia ka khyndew bad ki jingthung jingtep na ka bynta ban ioh ia ka jingmih kaba kham bun. Ki jingtrei kiba hap hapoh kane ka skim ki long ka jingshna ia ki kyrdan kper, ka jingpynbha pat ia ki jaka shrah, ka jingpynlang umbam bad um rep, ka jingshna ia ki surok kiba pyniasoh sha ki jaka trei, ka jingthung dieng biang ha ki khlaw ki btap, ka jingthung ia ki jait soh bad jingthung ba pynmih pisa, ka jingpynroi ia ki pyntha phlang bad ka jingtem ia ka jingrong noh ka khyndew.

Soil Conservation Programmes (In general areas) : - Kane ka long ka skim ba la pyntrei ha ki jaka ki bym shym la hap ne pyntrei ha kitei ki artylli ki skim haneng. Ki jingthmu ba kongsan jong ka ki long ban pynduna ia ka jingshah rong noh ka khyndew bad jingtlor jong ka ha ki jaka rep ba la pyndonkam da ki rukom rep kiba bakla. Ki kam kiba la pyntrei hapoh kane ka skim ki kynthup ia ka jingshna ia ki kyrdan kper, ka jingpynbha ia ki dewshrah, ka jingkhang ia ka jingtuid khyndew, ka jingpynlang, pyniaid bad sam um, ka jingthung dieng ha ki khlaw, ka jingtih pung bad ki kam pynneh mariang ha ki jaka sor.

Protection wall - All set and ready to defend against the onslaught of soil erosion
Protection wall - All set and ready to defend against the onslaught of soil erosion

RIDF-V, NABARD Loans : - Namar ka jingduna tyngka hapoh ka State Plan, ka Department ka la shim ia ka jingiarap tyngka na ka National Bank for Agriculture & Rural Development (NABARD) hapoh ka skim Rural Infrastructures Development Fund (RIDF) ban pyntrei ia ki katto katne ki projek. Ia kine ki projek la pyntrei ha ki katto katne ki jaka ba la jied kyrpang ha ki hynriew tylli ki Distrik jong ka jylla. Ka mat bakongsan ba la shim ha kaba pyntrei ia kine ki projek ka long ban wanrah ia ka jingiashim bynta lang jong ki paidbah ne kito kiba dei ban ioh myntoi na kum kine ki skim.

Watershed Development Programmes in Shifting Cultivation Areas:

Water harvesting
Water harvesting - Storing water for multipurpose uses

Kane ka dei ka skim kaba kyrpang ba la kyrshan da ka sorkar pdeng bad ia kaba la pyntrei ha ki jaka kpait lum. Hapoh kane ka skim, ki jingtrei ki long ban pynbha ia ki jaka rep bad kumjuh kiwei kiwei ki jaka kiba la shah ktah da ka rukom rep shyrti bad ban pynbiang ia ki lad rep bathymmai na ka bynta ki nongrep jhum.

Nalor kitei, ki don sa kiwei pat ki jingtrei bakongsan kiba donkam na ka bynta ka jingpyniaid beit iaid ryntih ia ka Department kiba kynthup ia ka Direction & Administration, ka Soil Survey & Testing, Extension & Training bad ka Research & Education.